ဗိုလ်ချုပ်နှင့် ကျွန်တော် (ညိုမြ)
အမျိုးသားခေါင်းဆောင်ကြီး ဦးအောင်ဆန်း၏ အိုးဝေမဂ္ဂဇင်း အယ်ဒီတာဘ၀ကို ထိုစဉ်က သူနှင့်အတူ လုပ်ကိုင်ခဲ့ပြီး ငရဲခွေးကြီး လွတ်နေသည် ဟူသော ဆောင်းပါးကို ရေးသားခဲ့သူ အိုးဝေဦးညိုမြ ခံစားရေးဖွဲ့ထားသော ဆောင်းပါးကောင်းတစ်ပုဒ်ပါ။ မြန်မာ့သမိုင်း၏ ထင်ရှားသော သမိုင်းဝင်အဖြစ်အပျက်တစ်ခုကို ကာယကံရှင်တစ်ဦးဖြစ်သူ ဦးညိုမြက ပြန်လည်ရေးသားခဲ့သောကြောင့် အဖိုးမဖြတ်နိုင်သော အချက်အလက်မှန်များကို ရရှိပါသည်။ အခု သူတို့နှစ်ယောက်စလုံး မရှိကြတော့ပါဘူး။ သို့ပေမယ့် ဒေါင်းအိုးဝေကတော့ တွန်နေဆဲ၊ ကနေဆဲပါ။ သည်ဆောင်းပါးကို ဖတ်ရုံမက၊ သိမ်းဆည်းထားသင့်ကြောင်း အလေးအနက် ဆိုပါရစေ။
ဗိုလ်ချုပ်နှင့် ကျွန်တော်
ညိုမြ
ဗိုလ်ချုပ်အောင်ဆန်းနှင့် မောင်သုမနတို့မှာ ကျောင်းနေဘက် သူငယ်ချင်း အရင်းအချာများ ဖြစ်ကြပေသည်။ ကျောင်းနေဘက်ဟုဆိုရာ၌ ပုဆိုးကွင်းသိုင်းလျက် ဖင်မလုံ၊ ခေါင်းမလုံ ဘုန်းကြီးကျောင်းတွင် ခုံညင်းထိုးခဲ့ကြခြင်း မဟုတ်ပေ။ မြန်မာပြည်၌ အကြီးကျယ်ဆုံးဖြစ်သော အဓိပတိ ထိပ်သီးဧရာမ ရန်ကုန်တက္ကသိုလ်ကြီး၌ စာပေအတူသင်ကြား နေထိုင်ခဲ့ကြရာမှ သူနှင့် ကျွန်တော် ပူးပေါင်း၍ ထိုကျောင်းတော်ကြီးကို မီးရှို့ကာ (၁၉၃၆) ခု သပိတ်ကြီးအား လှုံဆော်ပေါ်ပေါက်စေခဲ့သူများ ဖြစ်ကြပေသည်။
ကိုအောင်ဆန်းနှင့် ကျွန်တော် စတင်တွေ့ဆုံပုံကို ယနေ့တိုင် မှတ်မိပါသေးသည်။ ပဲခူးကျောင်းဆောင် အပေါ်ဆုံးထပ်ရှိ ကျွန်တော်၏ ၀မ်းကွဲအစ်ကို ကိုတင်ထွတ်၏ နေထိုင်ရာ လက်ထောက် အဆောင်မှူး အခန်းရှည်ကလေးအတွင်း တစ်ညသ၌ စကားပြောနေကြစဉ် ကိုအောင်ဆန်း ရုတ်တရက် ၀င်လာလေသည်။ ယောင်လည်လည် မချိုမချဉ် မျက်နှာထားဖြင့် ကျွန်တော့်အား သူက အတန်ကြာ ကြည့်နေပြီးနောက် “ဒီနှစ်အတွင်း ကိုယ့်လူကို တက္ကသိုလ်သမဂ္ဂမှာ အယ်ဒီတာအဖြစ်နဲ့ ခန့်ထားချင်တယ်” ဟု ပြောလေတော့သည်။
ထိုနေ့မတိုင်မီက သူနှင့် ကျွန်တော် ကောင်းစွာသိကျွမ်းခြင်း မရှိခဲ့ပေ။ ထိုသို့ ရင်းနှီးခြင်း မရှိပါဘဲလျက် ယခုလို အရေးကြီးသော အလုပ်တစ်ခုကို ကျွန်တော့်အား ယုံကြည်စွာ လာရောက်ပုံအပ်ခြင်းကြောင့် အတော်ပင် အံ့သြသွားမိလေသည်။
သုမန။ ။ “ထိုင်ပါဦးဗျာ၊ အခုလို ကျွန်တော့်ကို ရွေးချယ်ချီးမြှင့်တာကတော့ ဟုတ်ပါပြီ။ ၀မ်းသာပါတယ်။ ဒါပေမယ့် ကျွန်တော်က အိုင်အေတောင် မအောင်သေးဘူးဗျ။ အယ်ဒီတာဆိုတာ ဘီအေ အထက်တန်း ကျောင်းသားကြီးတွေ ဘာတွေသာ လုပ်ဖို့ကောင်းတယ်”
ကိုအောင်ဆန်း။ ။ “စာပေဘက်မှာ ၀ါသနာပါပြီး ရေးတတ်ဖတ်တတ်တဲ့ လူကိုခန့်ရင် အကောင်းဆုံးပဲ။ ခင်ဗျားက (ညိုမြ) ကလောင်အမည်နဲ့ ဂန္ထလောက မဂ္ဂဇင်းမှာ ရေးတဲ့ စာတွေကို ကျွန်တော်ကြိုက်တယ်”
သုမန။ ။ “ကျေးဇူးပါပဲဗျာ။ နို့ပေမယ့် အိုင်အေ မအောင်သေးတဲ့ ချာတိတ်ကို ခန့်ရင် တက္ကသိုလ်သမဂ္ဂကြီး တစ်ခုလုံး ဂုဏ်ငယ်သွားလိမ့်မယ်”
ထိုအချိန်က တက္ကသိုလ်မှ ထုတ်ဝေသော ကောလိပ်မဂ္ဂဇင်းနှင့် သမဂ္ဂမှ ထုတ်ဝေသော မဂ္ဂဇင်းတို့မှာ အပြိုင်အဆိုင် ဖြစ်လေသည်။ ကောလိပ်မဂ္ဂဇင်း အယ်ဒီတာကို ကျောင်းအုပ်ကြီး မစ္စတာစလော့ကိုယ်တိုင် ရွေးချယ်ခန့်ထားလေ့ရှိသဖြင့် အလိုတော်ရိသံ ပါလေသည်။ သမဂ္ဂမှာကား လူဆူလူပူတို့၏ စုဝေးရာအရပ်ဖြစ်၍ တော်လှန်ရေးစာပေများ မွေးထုတ်ရာဌာန ဖြစ်၏။ ထိုနှစ်အဖို့ သမဂ္ဂဥက္ကဋ္ဌမှာ သခင်နု ဖြစ်လေသည်။
ကိုအောင်ဆန်းမှာ ကျွန်တော်နှင့် ရွယ်တူဖြစ်သော်လည်း သူက ကျွန်တော့်ထက် တစ်တန်း ပို၍ မြင့်၏။ ထို့ကြောင့် သူပင် အယ်ဒီတာလုပ်ရန် ကျွန်တော်က တိုက်တွန်းလေသည်။ နောက်ဆုံး၌ သူက အယ်ဒီတာလုပ်၍ ကျွန်တော်က မဂ္ဂဇင်း မန်နေဂျာလုပ်ရန် သဘောတူညီကြ၏။ သမဂ္ဂ မဂ္ဂဇင်းဟု ခေါ်တွင်ခြင်းကို သူက မကြိုက်သဖြင့် နာမည်အသစ် ရွေးချယ်ကြရာ၌လည်း ကျွန်တော်က အကြံပေးသည့်အတိုင်း ‘အိုးဝေ မဂ္ဂဇင်း’ ဟူသော အမည်ဖြင့် ထိုနှစ်မှစ၍ ထုတ်ဝေခဲ့ကြလေသည်။
အိုးဝေမဂ္ဂဇင်း
ကိုအောင်ဆန်းကား စာပေ၀ါသနာပါ၏။ သူများလို ၀တ္ထုများ၊ ကဗျာများ ရေးချင်ကြောင်း ကျွန်တော်အား ပြောဖူးပါ၏။ သို့သော် ကျွန်ဘ၀မှ လွတ်မြောက်ရေး စိတ်ဓာတ်များနှင့် အထူးလွှမ်းမိုးနေသူ ဖြစ်ရကား ဆန်းသစ်နုယဉ် စာပေများကို ရေးသားလေ့ကျင့်ရန် အချိန်မရဘဲ သမဂ္ဂ၏၀ါဒ ထုတ်ပြန်ချက် ကြေငြာစာတမ်းများကို ရေးရခြင်းဖြင့် အချိန်ကုန်သူ ဖြစ်သည်။
အိုးဝေမဂ္ဂဇင်းကို အတူလုပ်ကြရာတွင် အမြဲနီးကပ်စွာ တိုင်ပင်နိုင်ကြရန် ကိုအောင်ဆန်းသည် ကျွန်တော်၏ ထမင်းစားပွဲသို့ ပြောင်းရွှေ့လာကာ ထိုအချိန်မှစ၍ ထမင်းအတူတူ စားသောက်ခဲ့ကြလေသည်။
သခင်သန်းထွန်း
ထမင်းအတူ စားကြရာတွင် ကိုအောင်ဆန်းမှာ ကျွေးသမျှဟင်းနှင့် တင်းတိမ် ရောင့်ရဲတတ်သည်။ အခြားသူများအတွက် ဘာမှ မကျန်အောင် အစားကြီးသူ မဟုတ်ပေ။ ထိုအခါက သခင်သန်းထွန်းသည် ကုလားကျောင်းတစ်ခု၌ ကျောင်းဆရာ လုပ်လျက်ရှိရာမှ ထမင်း၀၀ မစားရ၍လား မသိ၊ ကျွန်တော်တို့၏ ထမင်းစားပွဲသို့ မကြာခဏလာ၍ စားတော်ခေါ် တတ်ပေသည်။ ထိုသို့ ဧည့်သည်များလာသောအခါ တရုတ်ဆိုင်မှ ဟင်းများ အပိုမှာယူကာ ကျွန်တော်နှင့် ကိုအောင်ဆန်းတို့က ဝေခွဲ၍ ဒကာခံရ စမြဲပင်။
(ဘုရားလည်းပြီး ပြည်ကြီးလည်းပျက်) ဆိုသော စကားပုံကဲ့သို့ ကျွန်တော်တို့နှစ်ဦး တကုပ်ကုပ် လုပ်ကိုင်ခဲ့ကြသော အိုးဝေမဂ္ဂဇင်း ထွက်လာသောအခါ တစ်ကျောင်းလုံး ပွက်လောရိုက်လျက် ရာဇ၀င်တွင်သော (၁၉၃၆) ခု၊ ကျောင်းသားသပိတ်ကြီး မှောက်သွားတော့၏။
ကျောင်းသားအုံကြွမှု
ထိုနှစ်က သမဂ္ဂ ဥက္ကဋ္ဌ ရာထူးကို သခင်နု ရရှိချိန်မှစ၍ (ဒီနှစ်တော့ သပိတ်မှောက်ကြလိမ့်မယ်) ဟု ကျောင်းသားအများပင် ထင်ကြေးပေးခဲ့ကြ၏။ ကျွန်ပညာနှင့် မျက်နှာဖြူဆရာများကိုလည်း အနှစ်နှစ်အလလက မုန်းတီးခဲ့ကြရာမှ ထိုနှစ်တွင် ကျောင်းသားအများ အုံပွင့်ကာ ရဲရဲဝံ့ဝံ့ အတိုက်အခံ ပြုလုပ်ကြချိန် ဖြစ်ပေသည်။ နယ်ချဲ့တိုက်ဖျက်ရေးမှာ နိုင်ငံရေးနယ်ပယ်မှ ကျောင်းသားလောကသို့ ကူးစက်လာ၏။ တက္ကသိုလ်၌ အလိုတော်ရိ ကျောင်းသားများကို အထူးအခွင့်အရေးများ ပေး၍ မျိုးချစ်စိတ်ရှိသော ကျောင်းသားများကို အထူးဖိနှိပ်သော စနစ်မှာလည်း တစ်နေ့တစ်ခြား ဇက်ရဲလာချိန် ဖြစ်ပေသည်။ တက္ကသိုလ်ပညာကို မရမက ဆည်းပူးလို၍ မိဘများက အထူးခြိုးခြံ ထောက်ပံ့ခဲ့သော ကျောင်းသားအချို့တို့မှာ လူဖြူဆရာအား (ဆာ) ဟု မထူး၍သော်လည်းကောင်း၊ ကျောင်းတက်ရက်မမှန်ဟု ဆို၍သော်လည်းကောင်း ဘာမဟုတ်သော ပြစ်ချက်တို့ဖြင့် မတရားအပြစ်ရှာကာ တစ်ချက်လွှတ် ကျောင်းထုတ်ခံကြရချိန် ဖြစ်ပေသည်။ နောက်ဆုံး၌ ကျောင်းအုပ်ကြီး ဒီဂျေစလော့နှင့် အထူးမျက်မုန်းကျိုးသူ သခင်နုကိုလည်း ဆရာများကို ပုတ်ခတ်သော မိန့်ခွန်းများပြောသည်ဟုဆိုကာ ကျောင်းထုတ်လိုက်ပြန်လေသည်။ ထို့ကြောင့် ကျောင်းသားများ တလှုပ်လှုပ် တရွရွ ဖြစ်နေချိန်၌ အိုးဝေမဂ္ဂဇင်း ပေါ်ထွက်လာကာ ဒီဂျေစလော့တို့ လူစုအား အပြင်းအထန် ဆော်ထည့်လိုက်ရာ တစ်ကျောင်းလုံး ဇောက်ထိုးမိုးမျှော် ဖြစ်သွားခြင်း ဖြစ်လေသည်။
မှတ်မိသေးသည်။ အိုးဝေမဂ္ဂဇင်း မထွက်ခင် တစ်ရက်က ကိုအောင်ဆန်းနှင့် ကျွန်တော်တို့သည် စာပုံနှိပ်တိုက်သို့ သွားကာ စာအုပ်များ အချိန်မီ ချုပ်လုပ်ပြီးစေရန် ကုလားများကို ချော့မော့လျက် ကူညီလုပ်ကိုင်ပေးကြ၏။ ညနေ (၆) နာရီလောက်တွင် အားလုံးပြီးစီး၏။ ထို့ကြောင့် ကျွန်တော်တို့နှစ်ယောက်မှာ ၀မ်းသာအားရနှင့် မကြုံစဖူး အထူးဇိမ်ခံကာ တက္ကစီကားတစ်စီး ငှား၍ စာအုပ်ထုတ်များ တင်ဆောင်ပြီး လေညှင်းခံလျက် ကျောင်းသို့ ပြန်ခဲ့ကြလေသည်။ သမဂ္ဂတိုက်သို့မ၀င်မီ ကျွန်တော်တို့နှင့် အလွန်ရင်းနှီးခင်မင်သော အင်္ဂလိပ်စာ ပါမောက္ခ မစ္စတာရုတ်စ် အိမ်သို့ဝင်ကာ အိုးဝေတစ်အုပ်ကို ဦးဦးဖျားဖျား လက်ဆောင်ပေးကာ သူ့ထံမှ ဘိလပ်ရည်များ တောင်းသောက်ခဲ့ကြသေး၏။
ထိုကားပေါ်တွင် မဂ္ဂဇင်းစာအုပ်များတင်လျက် လေညှင်းခံကာ လိုက်ပါလာခဲ့သော ကိုအောင်ဆန်းနှင့် ကျွန်တော်ကား နက်ဖြန်မဂ္ဂဇင်းထွက်လျှင် ဗုံးပေါက်ကွဲသလို တစ်ကျောင်းလုံး တစ်ပြည်လုံး ဂယက်ရိုက်သွားမည်ကို လားလားမျှ မမျှော်လင့်ခဲ့ကြပေ။ ထိုမဂ္ဂဇင်းစာအုပ်များ တင်ဆောင်လာခြင်းမှာ အမှန်အားဖြင့် လုံးဝပေါက်ကွဲစေတတ်သော လက်နက်ပုန်းများကို ခိုးယူတင်ဆောင်လာသကဲ့သို့ပင် ဖြစ်လေသည်။ သို့သော် ကလောင်တည်းဟူသော လက်နက်ဖြင့် ထိုသို့ပေါက်ကွဲစေမည့် ဆောင်းပါးကို စီစဉ်ရေးသားလိုက်သော တရားခံဖြစ်သူ ကျွန်တော်ပင်လျှင် မိမိ၏ လက်နက်ကြောင့် ဤမျှ ပြင်းထန်စွာ ပေါက်ကွဲလိမ့်မည်ဟု မထင်မိခဲ့ပေ။
ထိုဆောင်းပါးမှာ အင်္ဂလိပ်ဘာသာဖြင့် တိုတိုတုတ်တုတ်နှင့် နာမည်ဝှက်ကာ ရေးလိုက်သော ဆောင်းပါး ဖြစ်၏။ ထိုအချိန်က ကျောင်းအုပ်စလော့နှင့်ကပ်ကာ မျိုးချစ်ကျောင်းသားများကို အထူးချောက်တွန်းနေသော ဆရာတစ်ဦးအား ကျွန်တော်က ငရဲခွေးနှင့် နှိုင်းယှဉ်ကာ ပက်ပက်စက်စက် ဆော်ထည့်လိုက်ခြင်း ဖြစ်ပေသည်။
ပေါက်ကွဲလေပြီ
ထိုဆောင်းပါးကို ရေးရာ၌ ကျွန်တော်သည် တက္ကသိုလ်တွင် ရှုပ်ထွေးနေပုံတို့ကို အတွင်းသိတစ်ဦး ဖြစ်သည့်အလျောက် ကလောင်ရှင်တို့၏ ၀တ္တရားအတိုင်း ဆော်သင့်သောသူကို ထုတ်ဖော်ဆုံးမလိုက်ခြင်း ဖြစ်ပေသည်။ မည်သူမျှ ကျွန်တော်အား မြှောက်ပေးခြင်း မရှိပေ။ ကျောင်းသားနှင့် ဆရာတိုက်ပွဲတွင် သခင်နုနှင့်တကွ အများအပြား မျိုးချစ်ကျောင်းသား (၁၁) ဦးတို့မှာ ကျောင်းအုပ်ကြီး၏ အာဏာပြင်းထန်မှုကြောင့် ကျောင်းထွက်ရခြင်းတည်းဟူသော ဒဏ်ရာများရရှိလျက်နေလေပြီ။ အခြားကျောင်းသားများလည်း တစ်ဗိုလ်ကျရင် တစ်ဗိုလ်တက် လမ်းစဉ်အတိုင်း စစ်ကြေညာလျက် အလှည့်ကျ ချီတက်တိုက်ခိုက်ကြရန်သာ ရှိတော့၏။ ထိုသို့ အိုးဝေမဂ္ဂဇင်းမှ တင်သွင်းလိုက်သော ထိုဆောင်းပါးမှာ ကျောင်းအုပ်ကြီး ရုံးခန်းတွင် နောက်တစ်နေ့ သိုက်မြိုက်စွာ ပေါက်ကွဲလေသည်။
အယ်ဒီတာဖြစ်သူ ကိုအောင်ဆန်းအား မစ္စတာစလော့က ဆင့်ခေါ်စစ်ဆေးတော့၏။ ထိုဆောင်းပါး ရေးသားသူကို အပြင်းအထန် အရေးယူရမည်ဖြစ်၍ ၎င်း၏ အမည်ကို ထုတ်ဖော်ပြောရမည်။ မပြောလျှင် ကိုအောင်ဆန်းကို ကျောင်းမှ ထုတ်ပစ်လိမ့်မည်ဟု စလော့က ဆို၏။ စာနယ်ဇင်း ထုံးတမ်းအရ အယ်ဒီတာလုပ်သူကို ထုတ်ဖော်ပြောခွင့် မရှိသဖြင့် ထုတ်ဖော်မပြောနိုင်။ လုပ်ချင်ရာ လုပ်ပါဟု ကိုအောင်ဆန်းက ဘုပြောခဲ့လေသည်။
ခေါင်က မိုးမလုံ ဆိုသကဲ့သို့ ကျောင်းဆရာလုပ်သူများက မတရားလုပ်ခဲ့ကြသဖြင့် ထိုမတရားမှုများကို ပြုပြင်စေရန် ကလောင်ဖြင့် လူထုအား ရေးသားတိုင်တန်းခဲ့ရာတွင် မတရားမှု ဖန်တီးသူများကို အရေးမယူဘဲ တိုင်တန်းသူကိုသာ အပြစ်ရှာတတ်ခြင်းမှာ အာဏာပိုင်တို့၏ ထုံးဓလေ့ပင် ဖြစ်ပေသည်။ ကိုအောင်ဆန်းကို ကျောင်းထုတ်လိုက်သောအခါ၌ကား ကျောင်းသားများသည် ထိုဓလေ့ဆိုးကို ကွက်ကွက်ကွင်းကွင်းကြီး သဘောပေါက်ကာ အထူးလှုပ်လှုပ်ရွရွ မခံမရပ်နိုင် ဖြစ်ကုန်ကြတော့၏။ နောက်တစ်နေ့၌ သမဂ္ဂခန်းမကြီးတွင် မစ္စတာရာရှစ်၊ ကိုထွန်းအုံနှင့် ကိုအုံး အစရှိသော ကျောင်းသားခေါင်းဆောင်များက မည်သို့ အရေးယူသင့်ပုံကို စည်းဝေးဟောပြောကြသောအခါ ကျောင်းလုံးကျွတ်ပရိသတ်များက (သပိတ် သပိတ် မှောက်မှောက်) ဟု သံပြိုင်အော်ကြလျက် အားလုံးပင် တက္ကသိုလ်ကြီးကို စွန့်ပစ်ကာ ရွှေတိဂုံကုန်းတော်ပေါ်သို့ ပြောင်းရွှေ့ သပိတ်မှောက်ခဲ့ကြသည်မှာ ရာဇ၀င်၌ စာတင်ပြီး ဖြစ်၍ အထူးရေးရန် မလိုတော့ပေ။
အပြောနှင့် အရေး
ထိုအချိန်၌ သခင်နု၊ ရာရှစ်၊ ကိုအောင်ဆန်း စသော ကျောင်းသားခေါင်းဆောင်များက သပိတ်မှောက်ရန် ကျိတ်၍ ကြိုးဆွဲ၊ ခြေထိုးစီမံခဲ့ကြသည်ဟု စွပ်စွဲခြင်းခံရ၏။ သို့သော် အမှန်အားဖြင့် ကျွန်တော်တို့ အချင်းချင်း ဘာမျှတိုင်ပင်ခြင်း မရှိခဲ့ပေ။ ကျောင်းသားခေါင်းဆောင်တိုင်း မိမိတို့၏ တာဝန်များကို ခပ်အေးအေးနှင့် မကြောက်မရွံ့ ရွက်ဆောင်ကြရာတွင် အခြေအနေမှာလည်း အလိုလိုပင် တစ်ဆင့်ပြီး တစ်ဆင့် ကျွန်ုပ်တို့ဘက်မှ အရေးသာစေဖွယ် ဖြစ်ပေါ်လာခဲ့ရလေသည်။ ရာရှစ်စသော ကျန်သမဂ္ဂခေါင်းဆောင်များကလည်း တာဝန်အတိုင်း ကျောင်းသားထုကြီးထံသို့ ထိုပြဿနာကို ဆုံးဖြတ်ကြရန် ရှင်းလင်းစွာ တင်ပြခဲ့၏။ ကျောင်းသားထုကြီးကလည်း အထိရောက်ဆုံးဖြစ်သော သပိတ်လမ်းစဉ်ကို ချက်ချင်းစွန့်စားဆုံးဖြတ်ကာ တက္ကသိုလ်မှ ထွက်ခွာခဲ့ကြ၏။
ကျွန်တော်မှတ်မိသလောက်တွင် ထိုမျှ အပူတပြင်း အရေးကြီးလှသော ရက်အနည်းငယ်အတွင်း၌ ကိုအောင်ဆန်းသည် ကျွန်တော်အား ထိုအရေးတော်ပုံနှင့် ပတ်သက်၍ (အေးဆေးနေပါ) ဟူသော စကားတစ်ခွန်းသာ ပြောဖူးလေသည်။ ကျွန်တော်တို့ အချင်းချင်း ထို့ထက် နှိုက်နဲရှုပ်ထွေးသော စည်းလားရိုက်မှု၊ စက်ပုန်းခုတ်မှုများ ဘာမျှ မရှိခဲ့ချေ။ ဤမျှ ရှင်းလင်းပြတ်သားစွာ ခပ်အေးအေးနှင့် တစ်ခုပြီး တစ်ခု အလိုကျ ဖြစ်မြောက်သွားသော ကိစ္စမျိုးကို ယခုတိုင် တစ်ခါမျှ မတွေ့ကြုံဖူးပေ။
တက္ကသိုလ်၌ အတူစား၊ အတူသွား၊ အတူတူ တိုက်ပွဲဆင်လျက် လေးနှစ်ကြာမျှ ကိုအောင်ဆန်းနှင့် ပေါင်းသင်းနေထိုင်ရာတွင် ကျွန်တော်သည် အောက်ပါ အဖြစ်အပျက်ကလေးများကို သတိရမိ၏။
ကိုအောင်ဆန်း၏ စိတ်ဓာတ်
ကိုအောင်ဆန်းကား စိတ်တိုတတ်၏။ အပြောအဆို မလိမ္မာသဖြင့် ဓာတ်သိသော သမဂ္ဂရဲဘော်များမှအပ သူ့အဖို့ မိတ်ဆွေများများ မရှိပေ။ သမဂ္ဂ၌လည်း သူနှင့် ဘုမကျသူဟူ၍ မရှိချေ။ တစ်ခါက ရွှေတိဂုံသပိတ်စခန်းမှ အပြန်တွင် ထိုနှစ်အတွက် သူ့မှာ တစ်ခြားအလုပ်ကိစ္စ မရှိသဖြင့် သူလုပ်ရန်ရှိသော အလုပ်များကို ကျွန်တော်က လုံးဝတာဝန်ယူရန် လွှဲအပ်လေသည်။ ကျွန်တော်ကလည်း ထိုနှစ်အဖို့ အိုးဝေအယ်ဒီတာအဖြစ် တာဝန်ယူပြီးဖြစ်၍ နောက်ထပ် လက်မခံနိုင်ကြောင်း ပြောသောအခါ ရှူးရှူးရှဲရှဲ လုပ်သဖြင့် ထ သတ်ကြရန် ဟန်ပြင်လေသည်။ အခြားအမှုဆောင်များက ၀ိုင်းဝန်းဖြန်ဖြေသဖြင့် ပြီးသွား၏။ ထိုနေ့ညနေ၌ ကျွန်တော့်အခန်းသို့ သူရောက်လာကာ သူက စိတ်မကောင်းဖြစ်နေသဖြင့် လွန်ကျူးမိကြောင်းကို ၀န်ချတောင်းပန်လေသည်။ သူက မတောင်းပန်လျှင်လည်း ကျွန်တော်က အကြောင်းသိချင်း ဖြစ်၍ ကျေနပ်ပြီး ဖြစ်လေသည်။ သို့သော် သူက ကလေးသဖွယ် ဖြူစင်သော စိတ်ဓာတ်နှင့် မိမိမှားသည်ကို သိရှိချိန်၌ အကြွေးမထားဘဲ မာန်မာနများကို လုံးဝပယ်ဖျောက်ကာ ချက်ချင်းဖွင့်ဟပြောဆိုသည်ကို ကျွန်တော် ၀မ်းမြောက်စွာနှင့် မှတ်သားမိ၏။ ဤကား ကိုအောင်ဆန်း၏ ချီးကျူးဖွယ် အချက်ကြီးတစ်ရပ်ပေတည်း။
ထိုနှစ်က မစ္စတာရာရှစ်သည် သမဂ္ဂဥက္ကဋ္ဌအဖြစ်နှင့် ဆောင်ရွက်ရာတွင် ၎င်းကို ကုလားဖြစ်၍ မလိုမုန်းထား အပြစ်ရှာသူများ ပေါများခဲ့လေသည်။ တစ်ခါက စည်းဝေးပွဲတစ်ခုတွင် ရာရှစ်အား အယုံအကြည်မရှိ အဆိုသွင်းရန် စီစဉ်ကြသည်ကို ကျွန်တော်က ကြိုတင်ကြားသိလေသည်။ ထိုအချိန်၌ အခြားသော သပိတ်ရဲဘော် ကျောင်းသားခေါင်းဆောင်တို့မှာလည်း နယ်ထွက်နေကြ၏။ ကိုအောင်ဆန်းမှာလည်း ဖျားနေ၍ ဆေးရုံတက်နေ၏။ ကျွန်တော်ကလည်း အရေးသမားဖြစ်ပြီး စကားမပြောတတ်၍ ထိုစည်းဝေးပွဲတွင် ၀င်ရောက်ပြောဆိုရန် မဖြစ်နိုင်ချေ။ ထို့ကြောင့် နောက်ဆုံး၌ ဆေးရုံတွင် ငှက်ဖျားတိုးနေသော ကိုအောင်ဆန်းထံသို့ပင် သွားရောက်ကာ (ကိုယ့်လူ ထပါဦး၊ ခင်ဗျားမရှိရင် မဖြစ်ဘူး) ဟု ဆိုကာ သူ့ကိုဆေးရုံမှ သမဂ္ဂအထိ ဖက်တွဲခေါ်ဆောင်ခဲ့ရလေသည်။ သမဂ္ဂ လက်ဖက်ရည်ဆိုင်ခန်းသို့ ရောက်မှ ကွီနိုင်နှင့် လက်ဖက်ရည် အနည်းငယ်တိုက်ကာ စည်းဝေးရာ ခန်းမကြီးသို့ တွဲတက်ခဲ့ရလေသည်။ ထိုနေ့အဖို့ ကိုအောင်ဆန်းမှာ နေမကောင်းသော်လည်း ရာရှစ်၏ ကောင်းသောအချက်များကို ဖော်ထုတ်၍ အထူးလေးနက်စွာ ပြောဆိုရာတွင် အတိုက်အခံလူစုက ၎င်းတို့အဆိုကို ရုတ်သိမ်းသွားကြလေသည်။ ကိုအောင်ဆန်းသည် ရဲဘော်လူကောင်းများအတွက် မယိုင်းမယိုင် ထောက်ခံကူညီတတ်ခြင်း၊ မိမိကျန်းမာရေးကို ဂရုမစိုက်ဘဲ တာဝန်ဆောင်ရွက်ခြင်းတို့မှာ ကျောင်းသားဘ၀၌ပင် ထင်ရှားခဲ့လေသည်။
ထောင့်မကျိုးလို့
ရာရှစ်၏ ဥက္ကဋ္ဌသက်တမ်း ကုန်ဆုံးခဲ့ပြီးနောက် ဥက္ကဋ္ဌသစ် ရွေးချယ်ရန် အချိန်ကျရောက်ခဲ့ရာတွင် ဒုတိယ ဥက္ကဋ္ဌဖြစ်သူ ကိုအောင်ဆန်းကို ထုံးစံအတိုင်း တင်မြှောက်ကြရန်ပင် ဖြစ်လေသည်။ သို့သော် ထိုအချိန်၌ သူ့အား အမှုဆောင်အဖွဲ့၌ ထောက်ခံသူမှာ ကျွန်တော်တစ်ယောက်သာ ရှိလေတော့၏။ အဘယ်ကြောင့်ဆိုသော် သူ့အား ထောင့်မကျိုးသူဖြစ်၍ သူရသင့်ရထိုက်သော နေရာတွင် ကိုဘဂျမ်း (ယခု ၀န်ကြီး) အား ရွေးချယ်တင်မြှောက်လိုက်ကြလေသည်။ ဦးထွန်းအုံ၊ ကိုလှရွှေ၊ ကိုသိန်းအောင်၊ ကိုဗဟိန်း စသည်တို့က သူ့အား တစ်နှစ်လောက်စောင့်ဆိုင်း၍ ပေါင်းသင်းဆက်ဆံရေး လေ့လာရန် ပြောဆိုခဲ့ကြလေသည်။ ကိုအောင်ဆန်းသည် သူငယ်ချင်းများ၏ ဆုံးမချက်ကို ဘာမျှ ပြန်မပြောဘဲ စည်းကမ်းသေ၀ပ်စွာ ကြိုးစားလိုက်နာခဲ့ပေသည်။ နောင်တစ်နှစ်တွင် ထိုသို့အများ၏ ဆန္ဒကို မသွေမဖည် လိုက်နာတတ်သော အရည်အချင်းကိုပင် အထူးထုတ်ဖော် ချီးကျူးကာ ကိုအောင်ဆန်းကို အားလုံးက ဥက္ကဋ္ဌအဖြစ် ရွေးချယ်လိုက်ကြလေသည်။
နိုင်ငံရေးသို့
ထိုနှစ်အတွင်း တစ်ညနေတွင် ကိုအောင်ဆန်းနှင့် ကျွန်တော်သည် သထုံကျောင်းဆောင်ရှေ့၌ လမ်းလျှောက်လျက်ရှိကြစဉ် သူက ရုတ်တရက် “ကိုယ့်လူ၊ ကိုယ်တော့ သွားတော့မယ်၊ ကျောင်းထွက်ပြီး နိုင်ငံရေးထဲကို ခြေစုံပစ် ၀င်တော့မယ်” ဟု ပြော၍ သခင်ပါတီသို့ဝင်ကာ တကယ့်တိုက်ပွဲများတွင် ၀င်နွှဲတော့မည်ဖြစ်ကြောင်းကို ပြောလေသည်။ သူက ထိုသို့ပြောနေစဉ် ကျွန်တော်သည် အထူးဝမ်းနည်းလာ၏။ ကျွန်တော်တို့ သူငယ်ချင်းများ လေးနှစ်ကြာမျှ ဥမကွဲသိုက်မပျက် နေထိုင်အလုပ်လုပ်ခဲ့ကြသည်မှာ ကမ္ဘာကလေးတစ်ခုကဲ့သို့ပင် မှတ်ထင်ကာ ထိုကမ္ဘာသည် မည်သည့်အခါမျှ ပျက်မည်မဟုတ်ဟူ၍ မှတ်ထင်နေခဲ့ကြ၏။ သို့သော် အချိန်သည် ကုန်မှန်းမသိ ကုန်ဆုံးခဲ့၍ ကိုအောင်ဆန်းကား ဘီအေအောင်ပြီးဖြစ်လျက် ကျွန်တော့်အဖို့လည်း ထိုနှစ်မှာ နောက်ဆုံးနှစ်ပင် ဖြစ်ကြောင်းကို သတိရလေသည်။
ကျွန်တော်တို့နှစ်ဦး ရင်းနှီးခင်မင်စွာ သွားအတူ၊ လာအတူ နေထိုင်ခဲ့ကြသော လေးနှစ်ရာသီခေတ်ကလေးကား ကုန်ဆုံးလေပြီ။ လောကတွင် အပျော်ဆုံး၊ အရွှင်ဆုံး၊ အရူးဆုံး၊ အမိုက်ဆုံး ဖြစ်သော ကျောင်းသားဘ၀ကား ဆုံးခန်းတိုင်လေပြီ။
ကျွန်တော်က စိတ်ဓာတ်မွန်မြတ်စွာ တိုင်းပြည်အတွက် စွန့်စားရန် အဓိဋ္ဌာန်ကို ချီးကျူးမိသော်လည်း သူ့အတွက် စိုးရိမ်မကင်းရှိမိပုံကို ပြောပြ၏။ “နိုင်ငံရေးလောကဟာ သိပ်ပြီး ရှုပ်တယ်၊ ဆိုးတယ်။ ဒီမှာဆိုယင် ကျွန်တော်တို့ အချင်းချင်း ခင်ဗျားကို နားလည်တယ်၊ အစစအရာရာမှာ သူငယ်ချင်းတွေမို့ ခင်မင်ယုယ ရှိကြတယ်။ နိုင်ငံရေးထဲကို ခြေစုံပစ်ဝင်ရန် ခြေထိုးတာတွေ၊ ကြမ်းတမ်းယုတ်မာတာတွေနဲ့ တွေ့ပြီး နေရာတကာ ခင်ဗျားပဲ ဒုက္ခရောက်စရာတွေ များတယ်ဗျ။ ခင်ဗျားကလည်း ငယ်သေးတယ်” ဟု ကျွန်တော်က ပြောမိလေသည်။ ဗိုလ်ချုပ်ကား ဆည်းဆာချိန် ကောင်းကင်သို့ မော့ကြည့်လျက် “အမေ့အတွက်လည်း ဘာမျှ ကျေးဇူးမဆပ်ရသေးဘူး၊ လခစားလုပ်ဖို့လည်း စိတ်မရှိတော့ဘူး။ ဘာပဲဖြစ်ဖြစ်လေ သွားမယ့်လမ်းကို သွားရမှာပဲ” ဟု လွမ်းစိတ်နှင့် အဓိဋ္ဌာန်စိတ်များ ရောပြွမ်းကာ အသံမာမာနှင့်ပင် ပြောလေသည်။
“သွားတော့မယ်” ဟု သူက ပြောလိုက်သဖြင့် ကျွန်တော့်အဖို့ ထိုသမဂ္ဂ ကမ္ဘာကလေးနှင့်တကွ တိုတောင်းလှသော တက္ကသိုလ် ကျောင်းသားခေတ်ကလေးကို ကားလိပ်ချလိုက်သလို ဖြစ်သွားတော့၏။ အမိမြေအလွမ်းပြေဘလော့ဂ်မှ ကူးယူဖော်ပြထားသည်
No comments:
Post a Comment